Safnaráð skoðaði gullið
Fyrst birt: 20.02.2012 12:37, Síðast uppfært: 20.02.2012 12:37
Sérfræðingar frá safnaráði og fulltrúi tollstjóra skoðuðu í morgun gull og silfurgripi sem breski gullkaupmaðurinn Mark Nangle keypti hér á landi um helgina.
Engin menningarverðmæti voru í fórum hans en bannað er að fara með gripi sem eru eldri en hundrað ára úr landi. Gullkaupmenn mátu eigur fólks á þremur hæðum á Grand Hóteli um helgina. Biðraðir mynduðust fyrir utan herbergin. Mikil eftirspurn er eftir gömlum gullskartgripum vegna þess að heimsmarkaðsverð á gulli er í sögulegu hámarki. Mark Nangle og aðrir gullkaupmenn ferðast nú um Evrópu til að falast eftir gömlum gullskartgripum.
Ertu með athugasemd vegna fréttarinnar? Sendu á frettir@ruv.is
Gullkaupmenn á Grand-hóteliTilkynna um bilaða upptöku
