Rýming í Hnífsdal
Fyrst birt: 25.01.2012 20:36, Síðast uppfært: 25.01.2012 22:03
Bærinn Hraun í Hnífsdal var rýmdur um klukkan átta í kvöld vegna hættu á snjóflóði úr fjallinu fyrir ofan. Ábúendur fóru til ættingja. Félagsheimilið í bænum er einnig á rýmingarsvæði, en engin önnur íbúðarhús.
Rýming er enn í gildi á iðnaðarsvæði á Ísafirði, og vegurinn um Eyrarhlíð, milli Ísafjarðar og Hnífsdals er lokaður. Leiðin milli Ísafjarðar og Súðavíkur er einnig lokuð vegna snjóflóðahættu. Búist er við stormi á norðvestanverðu landinu í nótt, á svæðinu frá Snæfellsnesi að Ströndum.
Ertu með athugasemd vegna fréttarinnar? Sendu á frettir@ruv.is
Byggingar rýmdar á ÍsafirðiTilkynna um bilaða upptöku
