Öruggur sigur gegn Túnis
Fyrst birt: 31.07.2012 10:04, Síðast uppfært: 31.07.2012 10:40
Flokkar: Innlent, Ólympíuleikar
Aron Pálmarsson fór á kostum í liði Íslands og skoraði átta mörk.
Íslenska landsliðið í handbolta vann öruggan sigur á liði Túnis í öðrum leik sínum á Ólympíuleikunum í London, 32-22. Liðið hafði örugga forystu í hálfleik, 19-8, en leyfði nokkrum lykilmönnum að hvíla í seinni hálfleik sem kom þó ekki að sök.
Atkvæðamestir í liði Íslands voru Aron Pálmarsson, sem skoraði átta mörk, og Guðjón Valur Sigurðsson, sem skoraði sjö. Markverðir liðsins, Björgvin Páll Gústafsson og Hreiðar Levý Guðmunsson skiptu leiknum nokkuð jafnt á milli sín og vörðu samanlagt 15 skot. Viðtöl við leikmenn og þjálfara liðsins eru væntanlega á vef RÚV.
Ertu með athugasemd vegna fréttarinnar? Sendu á frettir@ruv.is
