Ofsaakstur á Reykjanesbraut
Fyrst birt: 07.02.2012 14:51, Síðast uppfært: 07.02.2012 14:51
Mynd: Þórgunnur Oddsdóttir.
Lögreglan á höfuðborgarsvæðinu handtók um helgina karlmann á fertugsaldri fyrir ofsaakstur undir áhrifum fíkniefna og fíkniefnavörslu.
Lögreglan varð hans fyrst vör þar sem hann mældist á rúmlega 150 kílómetra hraða á Reykjanesbraut í Garðabæ. Manninum var veitt eftirför þar til hann stöðvaði bílinn í Hafnarfirði. Í tilkynningu frá lögreglu segir að hann hafi alloft áður gerst sekur um umferðarlagabrot.
Talsvert var um hraðakstur á höfuðborgarsvæðinu um helgina og voru nokkrir tugir ökumanna stöðvaðir vegna þessa.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
