Nýr meirihluti í Kópavogi

Gengið var frá málefnasamningi flokkanna seint í gær og búið er að semja um skiptingu embætta. Þá hefur verið ákveðið hver verður bæjarstjóri en Ómar vildi ekki veita frekari upplýsingar, fyrr en eftir að samkomulagið hefur verið kynnt flokkunum. Aðeins á eftir að ganga formlega frá samþykkt allra bæjarfulltrúa flokkanna sem standa að samkomulaginu, sem þýðir að þeir eiga eftir að undirrita það. Fulltrúaráð Sjálfstæðisflokks og Framsóknarflokks funda um málið í kvöld þar sem samningurinn verður kynntur.

Ertu með athugasemd vegna fréttarinnar? Sendu á frettir@ruv.is