Nokkrir í vanda á Holtavörðuheiði
Fyrst birt: 10.02.2012 22:06, Síðast uppfært: 10.02.2012 22:06
Safnmynd.
Nokkrir ökumenn hafa lent í vandræðum á Holtavörðuheiði í kvöld. Þar er mikil umferð og fljúgandi hálka að sögn lögreglu. Einn bíll valt norðarlega á heiðinni og skemmdist nokkuð en engin meiðsl urðu á fólki. Þá keyrðu tveir bílar út af veginum, annar skemmdist lítillega en hinn ekki.
Lögregla biður fólk að fara varlega á þessum slóðum, hálka er á allri heiðinni og á leiðinni áfram norður í land.
Þá rann bíll með hestakerru til í hálku við Grundartanga. Ökumaðurinn var fluttur á Sjúkrahúsið á Akranesi til skoðunar. Hestarnir urðu fyrir einhverju hnjaski en óvíst er hversu mikið það er.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
