Niyombare leiðtogi uppreisnarmanna í Búrúndí

21.01.2016 - 16:00
Members of President Pierre Nkurunziza's security detail lead his motorcade as the leaves the presidential palace after making a brief statement to the media at the presidential palace in Bujumbura, Burundi, Sunday May 17, 2015. This is the first
Hermenn hliðhollir Pierre Nkurunziza, forseta Búrúndí.  Mynd: AP
Nýstofnaðar sveitir uppreisnarmanna í Búrdúndí hafa valið hershöfðingjann fyrrverandi Godefroid Niyombare, fyrrverandi yfirmann leyniþjóustu landsins, sem leiðtoga sinn.

Niyombare var í forystu þeirra sem reyndu að ræna völdum í Búrúndí í maí í fyrra eftir að  Pierre Nkurunziza forseti hafði lýst því yfir að hann ætlaði að bjóða sig fram til endurkjörs í kosningum síðastliðið sumar. Hann og forsetinn voru áður bandamenn.

Mikil ólga hefur verið í Búrúndí undanfarna mánuði og margir fallið í átökum stjórnarliða og stjórnarandstæðinga. Í desember lýstu uppreisnarmenn því yfir að þeir hefði bundist samtökum og stofnað sveitir til að berjast gegn stjórnvöldum, Lýðveldisher Búrúndí eða Forebu, eins og samtökin eru kölluð í daglegu tali.

Yfirlýsing um skipan Niyombare var gefin út nokkrum klukkustundum áður en fulltrúar öryggisráðs Sameinuðu þjóðanna komu til landsins til að reyna að fá stríðandi fylkingar til að setjast að samningaborði. Enn fremur að þrýsta á stjórnvöld að samþykkja að friðargæsluliðar frá Afríkusambandinu verði sendir til landsins. 


Deila frétt



21.01.2016 - 16:00