Meirihluti fyrir umdeildum aðgerðum

12.01.2016 - 19:10
epa05089608 Danish Minister for Immigration, Integration and Housing Inger Stojberg during a press conference at the EU Commission in Brussels, Belgium, 06 January 2016. Swedish Migration Minister Morgan Johansson, German State Secretary of the Interior
Inger Stöjberg, ráðherra málefna innflytjenda og hælisleitenda í Danmörku.  Mynd: EPA
Danska stjórnin tilkynnti í dag að hún hefði tryggt sér meirihluta á þingi fyrir umdeildum áformum sem fela í sér að hægt verði að taka peninga og önnur verðmæti af fólki til að greiða fyrir dvöl þess í bústöðum fyrir flóttafólk og hælisleitendur.

Giftingarhringar og munir með sérstakt tilfinningagildi væru þó undanskildir, þar á meðal fjölskyldumyndir og heiðursmerki, en taka mætti til dæmis úr, tölvur og síma af fólki. Í frumvarpi stjórnarinnar er einnig kveðið á um að sameining fjölskyldna geti seinkað í allt að þrjú ár.

Frumvarpið er afar umdeilt og hafa sumir kveðið svo fast að orði að líkja Danmörku við Þýskaland nasista á sínum tíma, varðandi leit að verðmætum á fólki.

Flóttamannastofnun Sameinuðu þjóðanna sagði á dögunum að með frumvarpinu væri verið að senda skilaboð til annarra landa sem kynt gætu undir ótta og útlendingahatri og leitt til samskonar aðgerða og takmarkana víða um heim.


Deila frétt



12.01.2016 - 19:10