Kviknaði í útfrá grilli
Fyrst birt: 26.06.2012 14:07, Síðast uppfært: 26.06.2012 14:07
Fimm rúður sprungu í íbúðarhúsi í Garði og bifreið skemmdist vegna hita þegar kviknaði í vörubrettum við húsið. Húsráðandi hafði ætlað að grilla á einnota grilli en lent í basli að því er segir í tilkynningu lögreglu.
Hann hætti við eldamennskuna og lagði grillið á vörubretti. Ekki fór betur en svo að þar gaus upp eldur. Nágrannar voru að ljúka við að slökkva þegar slökkvilið kom á vettvang.
Ertu með athugasemd vegna fréttarinnar? Sendu á frettir@ruv.is
