Króatar sigruðu Frakka
Fyrst birt: 24.01.2012 17:18, Síðast uppfært: 24.01.2012 18:57
Króatar lögðu, heims- Evrópu- og Ólympíumeistara Frakka á EM í kvöld
Króatar unnu Frakka með sjö marka mun 29-22 í öðrum leik dagsins í milliriðli tvö á Evrópumótinu í handknattleik í Serbíu.
Leikurinn var jafn og spennandi framanaf en Króatar sigu framúr um miðbik síðari hálfleiks og lönduðu öruggum sjö marka sigri 29-22.
Króatar, sem nú eru í öðru sæti milliriðils tvö með sex stig, eiga góða möguleika á að komast í undanúrslitin en þeir leika gegn Ungverjum í lokaumferð milliriðilsins á morgun. Ljóst er að Frakkar munu ekki verja Evrópumeistaratitilinn því liðið hefur nú tvö stig og á ekki möguleika á að komast upp úr milliriðlinum.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
