Kosning: Taktu þátt í að velja jólalag Rásar 2

06.12.2016 - 11:00
Mynd með færslu
 Mynd: Shutterstock
Rúmlega 60 frumsamin jólalög bárust í Jólalagakeppni Rásar 2 í ár og nú eru sjö þeirra komin í úrslit. Nú viljum við fá álit landsmanna á þessum sjö lögum – hvert þeirra þykir þér best?

Jólalagakeppni Rásar 2 fer nú fram í 14. sinn en hún er orðinn fastur liður í jólaundirbúningi Rásar 2 og vonandi landsmanna allra. Sérstök dómnefnd fór í gegnum öll innsend lög í keppninni í ár og valdi sjö lög til úrslita. Það er síðan í höndum landsmanna að kjósa úr þeim sitt uppáhalds jólalag.

Lögin sjö verða flutt dagana 6.-13. desember á Rás 2. Úrslitin verða tilkynnt miðvikudaginn 14. desember en lagið sem verður fyrir valinu fær útnefninguna jólalag Rásar 2 - 2016. Sigurvegarinn fær jafnframt vegleg verðlaun frá Tónastöðinni, Svefni og heilsu og Sjávargrillinu.

Hlustaðu á lögin sjö hér fyrir neðan og kjóstu það sem þér þykir best.
14.12.2016: Kosningu er lokið