Kindum bjargað úr djöfullegu veðri
Fyrst birt: 10.09.2012 22:45, Síðast uppfært: 10.09.2012 22:45
Flokkar: Innlent, Norðurland
Björgunarsveitarmaður við störf að grafa upp fé sem fennt hafði yfir. Mynd: Hlynur Snæbjörnsson.
Björgunarsveitarfólk Norðanlands hefur í dag og í kvöld aðstoðað bændur í Reykjadal, Bárðardal og Mývatnssveit við að grafa rollur úr fönn.
Hlini Gíslason, bóndi í Svartárkoti, segir tugi kinda hafa komist í hús hjá sér, enn sé þó veður djöfullegt og óvíst hvernig féi sem ekki fannst muni farnast í nótt. Hann segir þetta ekki vera óskastöðu hjá bændum. Þegar birti í fyrramáli muni búalið á svæðinu huga að búfénaði.
Ertu með athugasemd vegna fréttarinnar? Sendu á frettir@ruv.is
