Ísland mætir Hollandi í umspili HM
Fyrst birt: 29.01.2012 13:05, Síðast uppfært: 29.01.2012 13:05
Íslenska liðið mætir Hollandi í tveimur umspilsleikjum fyrir HM 2013
Íslenska karlalandsliðið í handknattleik leikur gegn Hollendingum í umspili um sæti á heimsmeistaramótinu í handknattleik sem fram fer á Spáni í byrjun næsta árs.
Dregið var fyrir stundu í Belgrad og var Ísland í fyrsta styrkleikaflokki en Holland er í neðri styrkleikaflokkum. Liðin leika tvo leiki í júní og tryggir sigurliðið sér keppnisrétt á HM.
Liðin sem drógust saman í umspilsleiki fyrir HM 2013:
Litháen - Pólland
Rússland - Tékkland
Slóvenía - Portúgal
Slóvakía - Hvíta-Rússland
Makedónía - Austurríki
Ungverjaland – Noregur
Ísland - Holland
Þýskaland – Bosnía Herzegovina
Svíþjóð - Svartfjallaland
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
