Illugi með regnbogatrefil í Sotsí

Illugi Gunnarsson menntamálaráðherra með regnbogatrefil á opnunarhátíð vetrarólympíuleikanna í Sotsí. Mynd af Facebook-síðu Illuga.


  • Prenta
  • Senda frétt

Illugi Gunnarsson menntamálaráðherra skartaði regnbogatrefli, tákni samkynhneigðra, á setningarhátíð Vetrarólympíuleikana í Sotsí.

Trefillinn er gjöf frá Samtökunum ´78 og Hinsegin dögum í Reykjavík sem fulltrúar þeirra afhentu menntamálaráðherra á þriðjudag með þeim óskum að hann myndi halda réttindum hinsegin fólks á lofti í Sotsí enda væri staða samkynhneigðra í Rússlandi afar veik. Illugi sagði fulltrúunum að hann væri fyrst og fremst að fara til Rússlands af því hann hefði þegið boð á Ólympíuleika og hann vissi ekki hvort hann myndi hitta rússneska ráðamenn.

Illugi setti mynd af sér með regnbogatrefilinn á setningarathöfninni á Facobook-síðu sína í dag. Fulltrúar Samtakanna ´78 og Hinsegin daga báðu hann að taka með regnbogatrefil og fleira til að færa forseta Íslands á leikunum og sagðist menntamálaráðherra myndu verða við því.

Ertu með athugasemd vegna fréttarinnar? Sendu á frettir@ruv.is

Tilkynna um bilaða upptöku