Íbúðarhús rýmd á Ísafirði
Fyrst birt: 25.01.2012 22:30, Síðast uppfært: 26.01.2012 00:06
Á Ísafirði í dag. Mynd: Jóhannes Jónsson
Tvær fjölskyldur á Seljalandsvegi á Ísafirði þurftu að yfirgefa heimili sín á ellefta tímanum í kvöld vegna snjóflóðahættu. Húsin eru nálægt iðnaðarsvæði í bænum sem rýmt var í dag. Mikil snjókoma er á Ísafirði og nánast ekkert skyggni. Fólkið sem rýma þurfti hús sín gistir hjá ættingjum í nótt.
Lögreglan á Ísafirði biður fólk að halda sig innandyra og vera ekki á ferli nema nauðsyn krefji. Aftakaveðri er spáð á Vestfjörðum í nótt, og raunar á öllu svæðinu milli Snæfellsness og Stranda. Nánast allir vegir í þessum landshluta eru ófærir.
Ertu með athugasemd vegna fréttarinnar? Sendu á frettir@ruv.is
Fleiri fréttir
Rýming í Hnífsdal
Byggingar rýmdar á Ísafirði
Föst í bíl milli snjóflóðaTilkynna um bilaða upptöku
