Hvirfilbylur á stærð við jörðina
Fyrst birt: 18.02.2012 14:15, Síðast uppfært: 18.02.2012 16:52
NASA hefur birt upptöku af hvirfilbyl á sólinni. Hvirfilbylurinn er talinn hafa verið á stærð við jörðina og var þúsund sinnum öflugri en kraftmestu hvirfilbyljir á jörðunni.
Öflugustu hvirfilbyljir á jörðu ná 135 metra hraða á sekúndu. Vindhraðinn í hvirfilbylnum á sólinni er hins vegar talinn hafa náð allt að 135 kílómetra hraða á sekúndu að því er Terry Kucera sagði í viðtali við Fox-fréttastofuna. Kucera er vísindamaður við Goddard-geimferðastofnunina í Bandaríkjunum.
Hvirfilbylurinn sem NASA myndaði á sólinni stóð yfir í þrjátíu klukkustundir, hófst 7. febrúar og lauk rúmum sólarhring síðar, 8. febrúar.
Ertu með athugasemd vegna fréttarinnar? Sendu á frettir@ruv.is
Flokkar
ErlentTilkynna um bilaða upptöku
