Hagnaður Arion stóreykst

25.02.2016 - 11:26
Höfuðstöðvar Arion banka
 Mynd: RÚV
Hagnaður Arion banka jókst um rúmlega 70% milli áranna 2014 og 2015. Bankinn hagnaðist um 49,7 milljarða króna á síðasta ári, en 28,7 milljarða króna 2014.

Á vef bankans segir að afkoman beri þess merki að nokkur umfangsmikil úrlausnarmál hafi verið leidd til lykta á árinu. Bankinn seldi hlut í Reitum fasteignafélagi, Eik fasteignafélagi, Símanum, alþjóðlega drykkjarframleiðandanum Refresco Gerberg og Bakkavör Group. Hagnaður af reglulegri starfsemi nam 16,8 milljörðum króna samanborið við 12,7 milljarða króna 2014.


Deila frétt



Tryggvi Aðalbjörnsson
Fréttastofa RÚV
Ragnhildur Thorlacius
Fréttastofa RÚV
25.02.2016 - 11:26