Grujic fyrstu kaup Klopp hjá Liverpool

06.01.2016 - 17:11
epa05084100 Liverpool's manager Jurgen Klopp reacts  during the English Premier League soccer match between Sunderland and Liverpool at the Stadium of Light in Sunderland, Britain, 30 December 2015.  EPA/LINDSEY PARNABY EDITORIAL USE ONLY. No use
Jurgen Klopp knattspyrnustjóri Liverpool.  Mynd: EPA
Liverpool hefur gengið frá kaupum á tvítugum Serba frá Rauðu Stjörnunni að nafni Marko Grujic. Þessi 19 ára miðjumaður kostar Liverpool um 5 milljónir punda og hefur skrifað undir fjögurra ára samning.

„Ég er gríðarlega spenntur og er stoltur af því að vera kominn til Liverpool,“ segir Gurjic sem var hluti af U-20 ára liði Serbíu sem varð heimsmeistari á síðasta ári.

Þetta eru fyrstu kaup knattspyrnustjórnans Jurgen Klopp sem tók við liði Liverpool í október. „Þetta er góður, ungur strákur sem spilar mikilvægt hlutverk hjá Rauðu Stjörnunni. Hann er hávaxinn, snöggur og sterkur tæknilega,“ sagði Klopp.

Gurjic kemur þó ekki til liðs við leikmannahóp Liverpool því hann var strax lánaður aftur til Rauðu Stjörnunnar og leikur með liðinu út leiktíðina. Hann hefur skorað 5 mörk í 22 leikjum með liði Rauðu stjörnunnar í serbnesku deildinni.


Deila frétt



Mynd með færslu
Jón Júlíus Karlsson
íþróttafréttamaður
06.01.2016 - 17:11