Gensheimer bestur í þýsku deildinni
Fyrst birt: 07.02.2012 16:03, Síðast uppfært: 07.02.2012 16:03
Þjóðverjinn Uwe Gensheimer var valinn leikmaður ársins í Þýskalandi í árlegu vali þýska handknattleikstímaritsins Handballwoche.
Gensheimer er lærisveinn Guðmundar Guðmundssonar hjá Rhein-Neckar Löwen í þýsku deildinni auk þess sem hann spilar lykilhlutverk í þýska landsliðinu, en hann spilar í stöðu vinstri hornamanns. Leikmennirnir í öðru og þriðja sæti í valinu eru hjá Kiel undir stjórn Alfreðs Gíslasonar en þeir eru Tékkinn Filip Jicha og Þjóðverjinn Christian Zeitz.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
