Framúrskarandi fyrirtæki
Fyrst birt: 09.02.2012 16:04, Síðast uppfært: 09.02.2012 16:04
Álverið í Straumsvík.
Medis, Alcan á Íslandi hf og Össur fengu í dag viðurkenningu fyrir framúrskarandi árangur frá Creditinfo. Þessi þrjú fyrirtæki eru efst á lista 245 fyrirtækja sem standast styrk og stöðugleikamat Creditinfo.
32 þúsund fyrirtæki eru skráð í hlutafélagaskrá. Niðurstöðurnar byggja á ítarlegri greiningu félagsins og meðal skilyrðanna er að félögin hafi skilað ársreikningum og sýnt jákvæðar ársniðurstöður þrjú ár í röð og eignir fyrirtækjanna séu meiri en áttatíu milljónir. Oddný Harðardóttir, fjármálaráðherra, veitti fyrirtækjunum þremur verðlaun við athöfn á Hótel Sögu í dag.
Ertu með athugasemd vegna fréttarinnar? Sendu á frettir@ruv.is
Tilkynna um bilaða upptöku
