Ferðamaður lést í Landmannalaugum
Fyrst birt: 25.06.2012 12:11, Síðast uppfært: 25.06.2012 13:42
Flokkar: Innlent
Frá Landmannalaugum. Mynd: Shutterstock
Erlendur ferðamaður, karlmaður á þrítugsaldri, lést í Landmannalaugum í nótt. Tilkynnt var um veikindi hans um klukkan fjögur.
Björgunarsveitarmenn sem staddir voru í Landmannalaugum, reyndu endurlífgun. Maðurinn var úrskurðaður látinn um klukkan fimm, þegar læknir kom á staðinn með þyrlu Landhelgisgæslunnar. Samkvæmt upplýsingum frá lögreglunni á Hvolsvelli er dánarorsök ekki kunn. Maðurinn var ásamt þremur öðrum í Landmannalaugum. Lík hans var flutt til Reykjavíkur í nótt.
Ertu með athugasemd vegna fréttarinnar? Sendu á frettir@ruv.is
