Fanney Hauksdóttir með silfur á EM

12.08.2017 - 16:44
Fanney Hauksdóttir fékk í dag silfur á Evrópumótinu í klassískri bekkpressu í 63 kg flokki kvenna. Í leiðinni setti hún nýtt Íslandsmet.

Kraft.is greinir frá.

Í fyrstu tilraun lyfti Fanney 110 kg auðveldlega upp. Í annari tilraun gerði hún sér lítið fyrir og lyfti 112,5 kg og bætti í leiðinni eigið Íslandsmet. Fanney gerði svo tilraun til að ná gullinu af Zsanett Palagyi en hún hafði einnig lyft 112,5 kg á minni líkamsþyngd. 

Fanney reyndi því við 115 kg en það var of þungt og silfur á EM því staðreynd. 112,5 kg lyftu Fanneyjar má sjá í spilaranum hér að ofan.

Mynd með færslu
 Mynd: Kraft.is  -  RÚV
Mynd með færslu
Runólfur Trausti Þórhallsson
íþróttafréttamaður