Engin sprengja - tveir handteknir
Fyrst birt: 16.08.2012 15:50, Síðast uppfært: 16.08.2012 16:50
Farþegar úr vél Aeroflots í Leifsstöð.
Engin sprengja fannst í rússnesku vélinni sem lenti á Keflavíkurflugvelli í morgun, hvorki í farangri né vélinni sjálfri. Leit er lokið. Tveir farþegar voru handteknir með réttarstöðu grunaðra en þeim sleppt að lokinni yfirheyrslu.
Þetta kemur fram í tilkynningu frá ríkislögreglustjóra. Farþegar eru á Keflavíkurflugvelli og er áfallahjálparteymi Heilbrigðisstofnunar Suðurnesja þeim til aðstoðar ásamt Suðurnesjadeild Rauða kross Íslands. Flugvél frá Rússlandi sækir farþegana og er áætluð brottför frá Keflavík kl. 18.30.
Ertu með athugasemd vegna fréttarinnar? Sendu á frettir@ruv.is
