Ekkert millilandaflug eftir 8.30

Svona breyttist áætlun flugfélaganna. Flugi þeirra véla sem áttu að snúa heim í dag hefur verið aflýst.

Keflavíkurflugvelli verður lokað klukkan 8.30. Þetta er ákvörðun sem London Vaac, stofnun Veðurstofu Bretlands, sem heimilar flug í eldgosi í Evrópu, tók í morgun. Almannavörnum, og Isavia, sem rekur flugvöllinn, var tilkynnt þetta, en ný öskufallsspá barst frá Veðurstofu Bretlands um klukkan 6. Ellefu flugvélar eiga að fara í loftið, og með þeim um 2 þúsund farþegar, milli 7.30 og 9, en óvíst er um brottför tveggja, sem eiga fara 8.40 og 8.50. Sennilega verður henni flýtt. Þá voru 13 vélar væntanlegar til landsins milli 15 og 21, og 4 áttu að fara síðdegis.