Cher sendir íslenskt vatn til Flint

17.01.2016 - 13:52
epa04699679 US singer Cher arrives for the benefit gala 'Inspiration' promoted by the American Fundation for the Investigation against Aids (amfAR) in Sao Paulo, Brazil, 10 April 2015.  EPA/SEBASTIAO MOREIRA
Söngkonan Cher.  Mynd: EPA  -  EFE
Flint, Mich., native and filmmaker Michael Moore attends a rally outside city hall in Flint, Mich., on Saturday, Jan. 16, 2016, accusing Gov. Rick Snyder of poisoning the city's water. (Jake May/The Flint Journal - MLive.com via AP) LOCAL TELEVISION
Kvikmyndagerðarmaðurinn Michael Moore í hópi mótmælenda við ráðhúsið í Flint í gær.  Mynd: AP  -  The Flint Journal - MLive.com
Bandaríska söngkonan Cher hefur tekið höndum saman við fyrirtækið Icelandic Glacial og ætlar að senda íbúum borgarinnar Flint í Michigan íslenskt vatn á flöskum. Barack Obama Bandaríkjaforseti hefur lýst yfir neyðarástandi í borginni vegna blýmengunar í neysluvatni.

Í apríl 2014 var í sparnaðarskyni farið að taka vatn úr Flint-ánni til neyslu í stað þess að fá það frá Detroit. Strax fóru að berast kvartanir frá borgarbúum um vont bragð og lykt af vatninu og sérkennilegan lit.

Skömmu síðar jukust heimsóknir til lækna vegna ýmissa kvilla, höfuðverkja og útbrota. Sjónvarpsstöðin ABC segir að október 2014 hafi verksmiðja á vegum General Motors hætt að nota vatn frá Flint vegna ryðmyndunar.

Í oktober á nýliðnu ári staðfestu rannsóknir blýmagn í neysluvatni og í blóði barna, en blýeitrun getur leitt til náms- og hegðunarvandamála hjá börnum.

Yfirlýsing Obama um neyðarástand í Flint losar um 5 milljónir Bandaríkjadala til neyðaraðstoð frá alríkisstjórninni í Washington. Ríkisstjórinn í MichiganRick Snyder, bað í vikunni um 31 milljón dala frá alríkisstjórninni og sagði að Michigan-ríki gæti ekki eitt staðið undir því sem gera þyrfti. Snyder kallaði í vikunni þjóðvarðliðið til hjálpar til að útdeila vatni á flöskum og síum til borgarbúa.

Margir hafa lýst yfir stuðningi við íbúa Flint og heitið aðstoð. Söngkonan Cher sagði í tilkynningu í gær að hún ætlaði í samstarfi við Icelandic Glacier að senda yfir 180.000 flöskur af vatni til borgarinnar.

Hún kvaðst fyrirtækinu þakklát fyrir framlag þess til verkefnisins. Vatnið yrði flutt til Flint á morgun, mánudag, flöskurnar síðan settar í endurvinnslu og það sem fyrir þær fengist rynni til eldhúsa þar sem fátækir og heimilislaus fá mat sér að kostnaðarlausu.


Deila frétt



Kristján Róbert Kristjánsson
Fréttastofa RÚV
Anna Kristín Jónsdóttir
Fréttastofa RÚV
17.01.2016 - 13:52