Átján mánaða fangelsi fyrir kynferðisbrot
Fyrst birt: 11.01.2013 11:15, Síðast uppfært: 23.01.2013 12:37
Héraðsdómur Vesturlands dæmdi í byrjun þessa árs sextugan karlmann í átján mánaða fangelsi fyrir gróf kynferðisbrot gegn fjórtán ára dreng og barnavændi. Þá var manninum einnig gert að greiða drengnum 600 þúsund krónur í miskabætur. Maðurinn braut gegn drengnum í bíl sínum og greiddi honum fyrir.
Maðurinn hlaut dóm í héraðsdómi á síðasta ári en Hæstiréttur ómerkti þann dóm og vísað honum aftur í hérað. Í dómnum segir að maðurinn hafi verið í yfirburðastöðu gagnvart drengnum vegna aldursmunar og reynslu og þykir hann hafa brotið gróflega gegn honum.
Ertu með athugasemd vegna fréttarinnar? Sendu á frettir@ruv.is
