Annie Mist hraustasta kona heims
Fyrst birt: 15.07.2012 22:31, Síðast uppfært: 16.07.2012 07:07
Flokkar: Íþróttir
Annie Mist Þórisdóttir sigraði á heimsleikunum í CrossFit annað árið í röð - Mynd: CrossFit Inc
Annie Mist Þórisdóttir tryggði sér í kvöld sigurinn í kvennaflokki á heimsleikunum í Crossfit í Los Angeles í Bandaríkjunum og varð hún þar með fyrsti keppandinn frá upphafi til þess að vinna mótið tvö ár í röð.
Annie Mist lauk keppni með 1.062 stig en Julie Foucher frá Bandaríkjunum hafnaði í öðru sæti með 977 stig og landa hennar Talaya Fortunato varð þriðja með 973 stig.
Annie Mist fær 250 þúsund dollara í verðlaunafé eða rúmar 32 milljónir íslenskra króna og hlýtur nafnbótina hraustasta kona heims.
Ertu með athugasemd vegna fréttarinnar? Sendu á frettir@ruv.is
