Alma í höfn í Osaka

Unnið að því að afferma Ölmu í Osaka í morgun. Mynd: Greenpeace Japan.


  • Prenta
  • Senda frétt

Flutningaskipið Alma lagðist í morgun að bryggju í Osaka í Japan. Í skipinu eru um 2.000 tonn af langreyðarkjöti. Alma lagði úr höfn í Hafnarfirði 20. mars.

Hafnarfjarðarhöfn er síðasta höfn þar sem vitað er með vissu að Alma hafi lagst að bryggju. Ekki liggur fyrir hvernig skipið hefur fengið olíu eða vistir á leiðinni. Ölmu var siglt fyrir Góðrarvonarhöfða, í stað þess að fara í gegnum Súez-skurðinn. Hætt var við að koma til hafnar í Durban í Suður-Afríku, vegna mótmæla heimamanna. 21 þúsund manns höfðu skrifað undir erindi til hafnaryfirvalda um að meina skipinu að koma til hafnar. Talið er að Alma hafi komið við á Port Louis á Márítus.

Alma í Osaka. Mynd: Greenpeace.

Alma í Osaka. Mynd: Greenpeace.

 

kari.gylfason@ruv.is

Ertu með athugasemd vegna fréttarinnar? Sendu á frettir@ruv.is

Tilkynna um bilaða upptöku