ruv.is

Alexander Haig, fyrrverandi utanríkisráðherra Bandaríkjanna, lést í dag, 85 ára að aldri. Haig var á sínum tíma hershöfðingi í bandaríska landhernum.

Hann var starfsmannastjóri Hvíta hússins þegar Watergate-hneykslið reið yfir og gegndi embætti utanríkisráðherra í stjórnartíð Ronalds Reagans. Árið 1988 sóttist Alexander Haig eftir því að verða valinn forsetaefni Repúblíkanaflokksins. Hann varð að láta í minni pokann fyrir George Bush eldri.

frettir@ruv.is