Vinstrihreyfingin grænt framboð

Bjarkey Olsen Gunnarsdóttir, alþingismaður, ætlar að taka annað sætið á lista Vinstri grænna í Norðausturkjördæmi fyrir alþingiskosningarnar í haust. Hún sagðist í gær ætla að hugsa sína stöðu eftir að ljóst var að Óli Halldórsson varð í efsta sæti í forvali VG.

Kolbeinn Óttarsson Proppé, þingmaður VG, gerði alvarlegar athugasemdir við málflutning þingmanna Miðflokksins um loftslagsmál og borgarlínuna. Málin voru rædd á Alþingi í gær. Hann sagðist í framhaldinu hafa velt því fyrir sér „undan hvaða steini Miðflokkurinn skreið.“

Helgi Hrafn Gunnarsson, þingmaður Pírata, spurði forsætisráðherra á Alþingi í dag hvort fleiri þingmenn og ráðherrar þurfi ekki að taka þátt í málþófi Miðflokksmanna um þriðja orkupakkann til þess að leiðrétta rangfærslur. Forsætisráðherra benti á að umræður hafi staðið yfir í langan tíma þar sem allir flokkar hafi komið sínum sjónarmiðum á framfæri. Fleiri þingmenn Pírata lýstu yfir óánægju sinni við störf forseta Alþingis.

Katrín Jakobsdóttir formaður Vinstri grænna segir að stóru áskoranirnar séu að tryggja velsæld og jöfnuð á tímum þar sem vitað er að loftslagsbreytingar muni hafa áhrif á samfélagið.

Nýir varaforsetar Alþingis, Steinunn Þóra Árnadóttir og Haraldur Benediktsson, hafa nú formlega tekið við Klausturmálinu og fengið afhent gögn. Upptökurnar af Klaustri eru ekki þar á meðal.

Flokksráð Vinstri grænna samþykkti í hádeginu tillögu að ályktun um að aflýst verði fyrirhuguðum heræfingum hér á landi. Tíu ályktanir eru til umræðu á flokksráðsfundi Vinstri grænna sem hófst í gær. Stefán Pálsson er fulltrúi í flokksráði Vinstri grænna.

Tvö framboð í Hafnarfirði hafa farið fram á endurtalningu atkvæða eftir kosningarnar í gær. Það eru Samfylking og Vinstri græn, en það munaði einungis nokkrum atkvæðum á að Samfylking næði öðrum manni inn í bæjarstjórn og að VG næði inn manni. Formaður yfirkjörstjórnar Hafnarfjarðar ákvað að verða við óskinni og segir að það verði talið aftur á morgun.

Átta flokkar hljóta borgarfulltrúa samkvæmt nýrri könnun Félagsvísindastofnunar fyrir Morgunblaðið. Samfylkingin er með svipað fylgi í könnuninni og síðustu kosningum, tæp 32 prósent, og dugir það til þess að ná átta mönnum inn í borgarstjórn.

Sjálfstæðisflokkurinn mælist með mest fylgi á Akureyri samkvæmt nýrri könnun, tæp 29%. Hann fengi fjóra bæjarfulltrúa og bætir við sig einum. Framsóknarflokkur tapar einum bæjarfulltrúa og Miðflokkurinn næði inn manni.

Bjarki Bjarnason leiðir lista VG í Mosfellsbæ fyrir sveitarstjórnarkosningarnar í vor. Vinstri græn náðu einum manni kjörnum í síðustu kosningum og hafa starfað með Sjálfstæðisflokki í meirihluta í bæjarstjórn Mosfellsbæjar.

Líf Magneudóttir borgarfulltrúi verður í efsta sæti á lista Vinstri grænna til borgarstjórnar í Reykjavík í kosningunum í vor. Listinn var samþykktur á félagsfundi flokksins í kvöld. Elín Oddný Sigurðardóttir varaborgarfulltrúi verður í öðru sæti og Þorsteinn V. Einarsson, deildarstjóri í frístundamiðstöð í því þriðja. Heiðurssæti listans skipar Gunnsteinn Gunnarsson, barna- og unglingageðlæknir.

„Fólk treystir ekki stjórnmálamönnum" segir Katrín Jakobsdóttir í viðtali við breska blaðið The Guardian og segir brýnt að breyta því. Þá segir hún marga á vinstri vængnum enn vera henni reiða fyrir að mynda ríkisstjórn með Sjálfstæðisflokki og Framsóknarflokki, þeim tveimur flokkum, sem flæktastir eru í hneykslismálin sem felldu tvær síðustu ríkisstjórnir, eins og segir í frétt blaðsins. Katrín er engu að síður sannfærð um að það hafi verið rétt ákvörðun að ganga til samstarfs við þessa flokka.