Víðsjá

Sund, i8 í Marshall-húsi, konur og náttúruvernd

Við höldum í Marshall húsið vestur á Granda en þar hafa nokkrar breytingar orðið. Við heimsækjum sýningarsal i8 og ræðum við Börk Arnarson eiganda i8, en í þessu sýningarrými er komin upp sýning á verkum pólsku listakonunnar Aliciu Kwade, sem i8 á orðið langt og gott samstarf við.

Dalrún Kaldakvísl sagnfræðingur heldur áfram fjalla um konur og náttúruvernd. Í dag segir Dalrún okkur frá frelsi kvenna á heiðum og öræfum fyrr á tíð, út frá svipmyndum úr lífi tveggja kvenna sem bjuggu þar stóran hluta ævi sinnar.

Í dag opnar sýningin SUND í Hönnunarsafni Íslands. Það með sanni segja sundlaugarmenning okkar einstök og henni koma mörg svið hönnunar. Arkitektúr, grafísk hönnun, vöruhönnun, fatahönnun og upplifunarhönnun eru brot af þeirri menningu sem skapar sundið en laugarnar eru ekki síst ein stór samfélagshönnun. Á bak við sýninguna standa Brynhildur Pálsdóttir hönnuður og Valdimar Tr. Hafstein prófessor í þjóðfræði en við uppsetningu sýningarinnar er stuðst við rannsóknir hóps þjóðfræðinga við sem varpa skýru og skemmtilegu ljósi á sundmenningu okkar.

Umsjón: Guðni Tómasson og Halla Harðardóttir

Birt

1. feb. 2022

Aðgengilegt til

2. feb. 2023
Víðsjá

Víðsjá

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.