Víðsjá

Torg listamessa, Gilgameskviða, Öndun og Samþykki

Bókin Samþykki eftir Vanessu Springora olli vægast sagt fjaðrafoki þegar hún kom út í Frakklandi 2020. Í bókinni rifjar Springora upp hvernig virtur franskur rithöfundur, táldró hana, nauðgaði og stofnaði til sambands við hana, þegar hún var 14 ára og hann fimmtugur. Bókin hristi rækilega upp í frönsku samfélagi og kveikti umræður sem margir af eldri kynslóðinni áttu erfitt með taka þátt í, enda þátttakendur í samfélagi sem samþykkti þetta sjúka sambandi. Bókin kom nýverið út í íslenskri þýðingu þeirra Arndísar Lóu Magnúsardóttur og Guðrúnar Vilmundardóttur og við ræðum við Guðrúnu í þætti dagsins.

Torg Listamessa hófst um liðna helgi og stendur fram yfir þá næstu. Listamessan er stærsti sýningar ? og söluvettvangur íslenskrar myndlistar, og þar sem sjá á einum stað fjölbreytileg listaverk, sem hægt er kaupa á staðnum, beint af listmönnunum sjálfum. Annabelle von Girsewald er sýningarstjóri Torgsins en það er SÍM, samband íslenskra myndlistarmanna, sem heldur utan um viðburðinn.

Hið forna söguljóð Gilgameskviða rekur ævifornar goðsagnir um Gilgames, konung Mesópótamíu hinnar fornu og samferðafólks hans: guði, ófreskjur og menn. Verkið kom fyrst út í íslenskri þýðingu Stefáns Stefánssonar 1996, en hefur verið endurútgefin. VIð kynnum okkur verkið af því tilefni.

Og svo kynnum við til leiks nýjan pistlahöfund hér í Víðsjá. Ragnheiður Harpa Leifsdóttir, skáld og myndlistarkona, mun taka hér til máls aðra hverja viku og ætlar hún velta fyrir sér líkamleika.

Birt

28. okt. 2021

Aðgengilegt til

29. okt. 2022
Víðsjá

Víðsjá

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.