Víðsjá

Fyrsti sendiherrann, Berglind María og Sjálfstæða myndlistarsenan

Víðsjá 11. október 2021

Fyrsti sendiherra á Íslandi 1919-1924 er heiti nýrrar bókar eftir Jakob Þór Kristjánsson alþjóðastjórnmálafræðing en þar er fjallað um sendiherratíð hins danska Johannesar Erhardts Böggild á Íslandi en hann kom hingað skömmu eftir Ísland varð fullvalda og tók þátt í breytingum á samskiptum Íslands og Danmerkur í kjölfar þeirra atburða. Jakob Þór verður tekinn tali um bókina í Víðsjá dagsins.

Berglind María Tómasdóttir gaf út plötuna Ethereality á dögunum og af því tilefni mætir hún í tónlistarhornið Heyrandi nær hjá Arnljóti Sigurðssyni með plötuna í farteskinu og leysir frá skjóðunni um útgáfuna auk þess sem hlustendur nasaþef af væntanlegum tónlistarævintýrum hennar.

Víðsjá forvitnast líka um listamannarekin myndlistarrými og stöðu þeirra í myndlistarlífi landsmanna en í síðustu viku voru stofnuð samtök aðila sem standa í halda úti slíkri starfsemi. Gestir Víðsjár verða tvær konur sem þekkja vel til slíkrar starfsemi, Ingibjörg SIgurjónsdóttir og Sunna Ástþórsdóttir.

Umsjón: Guðni Tómasson.

Birt

11. okt. 2021

Aðgengilegt til

12. okt. 2022
Víðsjá

Víðsjá

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.