Víðsjá

Dagbækur, auglýsingaskilti, konur í íslenskri myndlist og Galdur

Sagnfræðingurinn Davíð Ólafsson gaf á dögunum út bókina Frá degi til dags: Dagbækur, almanök og veðurbækur 1720-1920. Í bókinni skoðar Davíð eðli og umfang dagbókaritunar á Íslandi um tveggja alda skeið og byggir þá rannsókn á safni dagbóka sem varðveittar eru í Handritasafni Landsbókasafns Íslands. Færslurnar sem hann skoðar eru allt frá örfáum orðum um veðurfar til langra tilfinningaþrunginna hugleiðinga. Við hittum Davíð uppi í Aðalbyggingu Háskóla Íslands í þætti dagsins.

Ólöf Kristín Sigurðardóttir, safnstjóri Listasafns Reykjavíkur, verður tekin tali um nýja rannsóknarstöðu sem safnið er koma á laggirnar og snýr rannsóknum á stöðu íslenskra kvenna í myndlistarlífi og myndlistarsögu landsmanna.

Við höldum áfram huga göldrum í Víðsjá. Í síðustu viku skoðuðum við skrifaða dóma og skjöl í galdramálum 17. aldar en í þætti dagsins ætlum við heyra í Helga Þór Ingasyni, véla- og iðnaðarverkfræðingi, en hann er höfundur söngleikjarins Galdur sem sýndur verður um næstu helgi, nánar tiltekið laugardaginn 2. október klukkan 16 í Langholtskirkju.

Og við heyrum af forvitnilegri samkeppni um list í almannarýminu en í janúar stendur til myndlistin taki yfir 350 auglýsingaskilti í Reykjavík, í svartasta skamdeginu, eftir jól og fyrir útsölur. Sigurður Atli Sigurðsson hjá Y-gallerí segir okkur frá samkeppninni sem galleríið stendur einmitt fyrir í samstari við Listasafn Reykjavíkur.

Umsjón: Tómas Ævar Ólafsson og Guðni Tómasson

Birt

27. sept. 2021

Aðgengilegt til

28. sept. 2022
Víðsjá

Víðsjá

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.