Víðsjá

Tækniminjasafn, Gröndal, McCartney, endalok einsemdar

Í Víðsjá í dag verður meðal annars hugað starfi við björgun minja úr Tækniminjasafni Seyðisfjarðar eftir aurskriður féllu á Seyðisfjörð í desember, en í hádeginu í dag var haldinn hádegisfyrirlestur um það starf í Þjóðminjasafni Íslands. Þar töluðu Zuhaitz Akizu forstöðumaður Tækniminjasafnsins á Seyðisfirði og Ágústa Kristófersdóttir framkvæmdastjóri safneignar Þjóðminjasafnsins, en þau verða tekin tali í þætti dagsins. Einnig verður í Víðsjá í dag rætt við Ásgeir Jónsson Seðlabankastjóra gefnu tilefni um Benedikt Gröndal Sveinbjörnsson, bókasöfnun og sitthvað fleira. Á föstudag kom út plata sem heitir McCartney III: Imagined, en hún hefur geyma endurgerðir ýmissa tónlistarmanna á lögum af plötunni McCartney III sem Paul McCartney sendi frá sér skömmu fyrir jól á síðasta ári. Á meðal tónlistarmanna sem leggja í púkkið nefna Beck, St. Vincent, Blood Orange, Damon Albarn, Ed O'Brien úr Radiohead, og 3D úr Massive Attack. Hlustendur heyra tóndæmi í Víðsjá í dag. Og Gauti Kristmannsson bókmenntagagnrýnandi Víðsjár fjallar í dag um skáldsöguna Um endalok einsemdarinnar eftir svissnesk-þýska rithöfundinn Benedict Wells en sagan kom nýlega út í íslenskri þýðingu Elísu Bjargar Þorsteinsdóttur.

Birt

20. apríl 2021

Aðgengilegt til

20. apríl 2022
Víðsjá

Víðsjá

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Eiríkur Guðmundsson og Guðni Tómasson.