Víðsjá

Sigurður Árni, Bessastaðaþýðingar, rím

Í Víðsjá í dag verður meðal annars fjallað um sýninguna ÓraVídd sem stendur yfir á Kjarvalsstöðum, en um er ræða yfirlitssýningu á verkum Sigurðar Árna Sigurðssonar, Sigurður verður tekinn tali í Víðsjá í dag. Tilkynnt var fyrir helgi um úthlutanir úr Rannsóknasjóði, Rannís. Um er ræða stærstu úthlutun sjóðsins frá upphafi en alls bárust 402 gildar umsóknir í Rannsóknasjóð og voru 82 þeirra styrktar eða rúmlega 20% umsókna. Á meðal þeirra sem hljóta nýdoktorsstyrk þessu sinni er Hjalti Snær Ægisson bókmenntafræðingur en Hjalti fær styrkinn fyrir verkefni sem nefnist Bessastaðaþýðingarnar, rætt verður við Hjalta í Víðsjá í dag. Og í tónlistarhorninu Heyrandi nær lætur Arnljótur Sigurðsson hugann reika um áráttuna fyrir rími og stuðlum, en rímið og stuðlana notar manneskjan sér bæði til gagns og gamans, nær og fjær.

Umsjón: Guðni Tómasson og Eiríkur Guðmundsson

Birt

18. jan. 2021

Aðgengilegt til

18. jan. 2022
Víðsjá

Víðsjá

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.