Morgunútvarpið

10. feb. - Loðna, Sundabraut, Ævi, ferðaþjónustan og Spánn

Veiðar á loðnu eru hafnar á nýjan leik eftir þriggja ára hlé. Norsk skip eru farin að landa í Neskaupstað en íslensku skipin bíða eftir að loðnan sé nægjanlega hrognafull til að hægt sé að vinna hana fyrir Japansmarkað. Við tókum púlsinn á Síldarvinnslunni en þar er byrjað að taka á móti loðnu frá Norðmönnunum og unnið á sólarhrings vöktum. Jón Gunnar Sigurjónsson yfirverkstjóri þar var á línunni hjá okkur.

Sveitarfélög á Vesturlandi sendu sameiginlega frá sér yfirlýsingu í gær þar sem fram kemur vilji þeirra til að flýta undirbúningsvinnu við Sundabraut. Sævar Freyr Þráinsson bæjarstjóri á Akranesi var á línunni hjá okkur og fór yfir málið með okkur.

Hvernig breytir maður sjónvarpsþáttum í dansverk? Við komumst að því þegar þær Inga Maren Rúnarsdóttir og Júlíanna Lára Steingrímsdóttir komu til okkar en þær eru konurnar að baki danssýningunni Ævi, sem byggð er á samnefndum sjónvarpsþáttum. Lokasýning verksins er í kvöld og við forvitnuðumst aðeins um þennan listviðburð.

Ekkert verður af bólusetningartilraun Pfizer eins og fram kom í fréttum í gær. Sú staðreynd hefur áhrif á þjóðlífið allt og við heyrðum í Bjarnheiði Hallsdóttur formanni Samtaka ferðaþjónustunnar um fyrirsjáanleg áhrif á ferðaþjónustuna þar sem allir bíða eftir að geta tekið á móti ferðamönnum á ný.

Við heyrðum í Jóhanni Hlíðar Harðarsyni á Spáni þar sem hann rakti fyrir okkur ýmis dómsmál sem þar eru í gangi.

Tónlist:

Gugusar og Auður - Frosið sólarlag.

Moses Hightower - Stutt skref.

Elvis Costello - Olivers Army.

Passenger - Sword from the stone.

Sigrún Stella - So cold.

Sykurmolarnir - Ammæli.

The Weeknd - Save your tears.

Lenny Kravitz - The Chamber.

Jón Jónsson og GDRN - Ef ástin er hrein.

Elton John - Little Jeannie.

Birt

10. feb. 2021

Aðgengilegt til

11. maí 2021

Morgunútvarpið

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjón: Hulda G. Geirsdóttir Sigmar Guðmundsson og Rúnar Róbertsson.