Mannlegi þátturinn

Matarsóun, Hvunndagshetjur og póstkort frá Magnúsi

Árið 2021 er helgað ávöxtum og grænmeti hjá Sameinuðu þjóðunum og í dag, 29. September, er alþjóðadagur gegn matarsóun. Í tilefni dagsins munu Grasagarður Reykjavíkur, Slow Food Reykjavík og Flóran Garden Bistro taka saman höndum og bjóða í fræðslusúpu í garðskála Grasagarðins þar sem þemað er: Hvað get ég gert til draga úr matarsóun? Við fengum þær Björk Þorleifsdóttur og Dóru Svavarsdóttur til koma í þáttinn og segja okkur meira frá þessum degi, viðburðinum og matarsóun.

Heimildarmyndin Hvunndagshetjur, Are you Icelandic? Eftir Magneu B. Valdimarsdóttur verður sýnd á alþjóðlegu kvikmyndahátíðinni RIFF sem verður sett á morgun. Myndin fjallar um fjórar konur sem eiga það sameiginlegt hafa búið á Ísland í um það bil tuttugu ár. Þær eru fæddar í Bosníu, Jamaíku, Póllandi og Tyrklandi og allar hafa þær sína sögu af því hvað leiddi þær hingað. Samfélagið breytist hratt og oft veitum við því litla eftirtekt hverjir það eru sem hugsa um börnin okkar, gamla fólkið, byggja húsin okkar og sinna alls kyns illa launuðum störfum í samfélaginu. Magnea kom í þáttinn í dag og sagði okkur meira frá þessari mynd og frá kvikmyndahátíðinni.

Við fengum póstkort frá Magnúsi R. Einarssynin í dag og í þessu korti segir Magnús okkur frá því þegar hann fór í nokkurra daga bíltúr í liðinni viku. Hann fékk lánaðan þýskan eðalvagn sem varð honum til hugleiðinga varðandi framtíð einkabílsins. Þessi frábæru farartæki sem hafa veitt okkur frelsi og tækifæri til ferðalaga eru orðin vandamáli sem allar borgir heims eru reyna leysa. Póstkort dagsins fjallar sem sagt um hina bílalausu framtíð.

UMSJÓN GUNNAR HANSSON

Birt

29. sept. 2021

Aðgengilegt til

30. sept. 2022
Mannlegi þátturinn

Mannlegi þátturinn

Um litróf mannlífsins.

Umsjón: Guðrún Gunnarsdóttir og Gunnar Hansson.