• 00:06:34Útilykt-Lilja Birgisd og Fannar Páll
  • 00:19:24Sjúk ást-Heiðrún Fívelsdal
  • 00:32:43Heimsókn til Þorlákshafnar-Skjálftinn-MB

Mannlegi þátturinn

Útilykt, SJÚKÁST og hæfileikakeppni grunnskóla á Suðurlandi

Öll þekkjum við útilykt. Það er lyktin sem kemur af okkur þegar við erum búin vera úti, yfirleitt tengjum við hana við vor eða sumar og jafnvel nýslegið gras. En hún getur verið alls konar. Það er mismunandi lykt á mismunandi stöðum, úti í móa, niður í fjöru, niður á höfn. Árstíðirnar hafa mismunandi lykt. Fishersund og 66°Norður hafa sameinað krafta sína og skapað ilmheim innblásinn af íslenskri útilykt. Ilmvatnið er handgert hér á Ísland og unnið úr íslenskum lækningajurtum og jurtaolíum. Við fengum Lilju Birgisdóttur frá Fishersundi og Fannar Pál Aðalsteinsson frá 66°Norður í þáttinn í dag til segja okkur meira frá útilykt.

Árleg forvarnarherferð Stígamóta, SJÚKÁST, um ofbeldi í nánum samböndum ungmenna er komin í loftið. Í ár leggja Stígamót sérstaka áherslu á ungt fólk þekki muninn á heilbrigðum, óheilbrigðum og ofbeldisfullu samböndum og hafa til þess sett í loftið sambandspróf á heimasíðu átaksins, www.sjukast.is. Heiðrún Fivelstad, verkefnastýra SJÚKÁST kom í þáttinn og fræddi okkur um þetta átak.

Skjálftinn, hæfileikakeppni grunnskólanna á Suðurlandi var haldinn í fyrsta sinn um helgina. Keppnin fór fram í íþróttahúsinu í Þorlákshöfn og þar sýndu 8 skólar í Árnesþingi atriðin sín. Skjálftinn byggir á hugmyndafræði Skrekks sem haldinn hefur verið fyrir nemendur í grunnskólum Reykjavíkur í áratugi og sem á heiðurinn af því Skrekkur hefur eignast lítinn bróður á Suðurlandinu er Ása Berglind Hjálmarsdóttir tónmenntakennari í Þorlákshöfn. Margrét Blöndal brá sér í Grunnskólann í Þorlákshöfn í gærmorgun og hitti Ásu Berglindi og Önnu Laufeyju Gestsdóttur nemanda í 10. bekk en hún á upphaflegu hugmyndina atriði Þorlákshafnar sem hreppti annað sætið í keppninni.

UMSJÓN GUÐRÚN GUNNARSDÓTTIR OG GUNNAR HANSSON

Birt

19. maí 2021

Aðgengilegt til

19. maí 2022
Mannlegi þátturinn

Mannlegi þátturinn

Um litróf mannlífsins.

Umsjón: Guðrún Gunnarsdóttir og Gunnar Hansson.