• 00:04:40Marsibil Erlendsdóttir - Jól á Dalatanga
  • 00:18:53Jól á Spáni - Magnús R. Einarsson
  • 00:30:51Úlfar Finnbjörnsson - jólamaturinn

Mannlegi þátturinn

Jól í Mjóafirði, jól á Spáni og Úlfar og jólamaturinn

Bærinn Dalatangi er 14 kílómetra frá þorpinu í Mjóafirði en lengra austur er ekki hægt að aka. Leiðin út á Dalatanga liggur eftir mjóum slóða sem fikrar sig út eftir firðinum. Ekið er framhjá skriðum og hamrabrúnum, framhjá fossum og dalgilum. Við Dalatangavita opnast mikið útsýni til norðurs allt að Glettingi og inn í mynni Loðmundarfjarðar og Seyðisfjarðar. Svona er þessu lýst á vef vegagerðarinnar og þar er einnig sagt frá því að Marsibil Erlendsdóttir vitavörður varð sextug á þessu ári en hún tók við af föður sínum þegar hún var þrítug. Við slógum á þráðinn til hennar á Dalatanga og forvitnuðumst um jólahaldið hjá henni.

Við fengum póstkort frá Magnúsi R. Einarssyni á Spáni í dag. Póstkort dagsins segir frá öðruvísi jólasiðum Spánverja, frá jóhappdrættinu sem tryllir alla þjóðina og svo frá því að fjórar spænskar borgir eru taldar bestar til búsetu fyrir þá sem vilja flytjast að heiman.

Áttu ennþá eftir að gera eftirréttinn fyrir kvöldið? Ertu í vandræðum með hamborgarhrygginn, rjúpurnar eða kalkúninn? Þarftu á góðum ráðum að halda? Þá ættirðu að leggja við eyrun þegar við hringdum í Úlfar Finnbjörnsson matreiðslumeistara í morgun og hann leiddi okkur í allan sannleik um það hvernig á að gera þetta allt saman.

UMSJÓN GUNNAR HANSSON OG GUÐRÚN GUNNARSDÓTTIR

Birt

24. des. 2020

Aðgengilegt til

24. des. 2021
Mannlegi þátturinn

Mannlegi þátturinn

Um litróf mannlífsins.

Umsjón: Guðrún Gunnarsdóttir og Gunnar Hansson.

Þættir