• 00:07:54Alma J. Árnadóttir - Ekki missa móðinn
  • 00:21:53Erla Björnsdóttir - Svefnfiðrildin
  • 00:35:26Heilsuvaktin - Svanur Sigurbjörnsson læknir

Mannlegi þátturinn

Ekki missa móðinn, Svefnfiðrildin og fölsk loforð á Heilsuvaktinni

Enn einu sinni eru öll plön farin út um þúfur eða svo gott sem. Slíkt ástand getur vissulega tekið á og hér á eftir ætlum við að varpa fram spurningunni: hvernig fer maður að því að missa ekki móðinn? Alma J. Árnadóttir markþjálfi hefur það að atvinnu að hjálpa fólki að setja sér skipuleggja sig og setja sér markmið sem hlýtur að vera dálítið snúið þegar óvissan er mikil og í raun allt upp í loft? Alma kom í þáttinn í dag.

Nýlega kom út barnabókin Svefnfiðrildin eftir Erlu Björnsdóttur, sálfræðing og doktor í líf- og læknavísindum. Erla sérhæfir sig í rannsóknum á svefni og meðferðum gegn svefnleysi og henni fannst vanta efni fyrir börn um mikilvægi svefns og hvíldar, því skrifaði hún Svefnfiðrildin. Við hringdum í Erlu fengum hana til að segja okkur meira frá þessu.

Sækja mætti þá sem reyna að selja fólki vörur eða lyf með fölskum loforðum um lækningamátt betur til ábyrgðar en nú er gert, ekki ósvipað og gert er þegar einhver selur okkur lélegt sjónvarpstæki. Þetta segir Svanur Sigurbjörnsson læknir sem kennir læknanemum gagnrýna hugsun. Bergljót Baldursdottir ræddi við Svan á Heilsuvaktinni í dag um svik og pretti tengda heilbrigðismálum á tímum COVID-19.

UMSJÓN GUNNAR HANSSON OG MARGRÉT BLÖNDAL

Birt

7. okt. 2020

Aðgengilegt til

7. okt. 2021
Mannlegi þátturinn

Mannlegi þátturinn

Um litróf mannlífsins.

Umsjón: Guðrún Gunnarsdóttir og Gunnar Hansson.

Þættir