• 00:07:31Felix Bergsson - Alla leið í ár
  • 00:33:46Ómar Smári - Kortakallinn Smári

Mannlegi þátturinn

Eurovision á tímum COVID-19 og kortakallinn Smári

Margir urðu leiðir þegar Eurovision söngvakeppninni var aflýst í ár þótt auðvitað væri það skiljanlegt í ljósi Covid 19. Maímánuður verður samt ekki alveg Eurovisionlaus, því Svíar segjast ætla að halda sína eigin keppni og hér á RÚV verður t.d. þátturinn Alla leið, sem Felix Bergsson stjórnar, á dagskrá þótt engin verði keppnin í Rotterdam. Og það verður fleira á dagskrá RUV sem mun gleðja Eurovision aðdáendur. Felix sagði okkur allt frá því í þættinum í dag.

Kortakallinn Smári er nafnið á myndlistarsýningu Ómars Smára Kristinssonar sem opnaði á Ísafirði í mars, en vegna samkomubanns og COVID-19 þá hafa ekki margir náð að njóta sýningarinnar. Ómar Smári var valinn bæjarlistamaður Ísafjarðar 2019 og árið 2012 teiknaði hann bæjarmynd af Ísafirði, þar sem hægt er að skoða hvert og eitt hús í bænum handteiknað. Kortið varð fljótlega úrelt eftir útgáfu en árlega uppfærir hann kortið m.t.t. nýs litar á húsi, viðbygginga eða annarra breytinga. Ætla má að kortið verði að nokkurs konar sagnfræðilegri myndasögu með árunum sem líða. Við hrindgum í Ómar Smára í þættinum í dag og töluðum við hann um kortin.

UMSJÓN GUÐRÚN GUNNARSDÓTTIR OG GUNNAR HANSSON

Birt

16. apríl 2020

Aðgengilegt til

16. apríl 2021
Mannlegi þátturinn

Mannlegi þátturinn

Um litróf mannlífsins.

Umsjón: Guðrún Gunnarsdóttir og Gunnar Hansson.

Þættir