Kvöldfréttir kl. 18:00

Kvöldfréttir 26. febrúar 2023

Ferðamálaráðherra telur að taka þurfi vinnumarkaðsmódelið hér á landi til endurskoðunar og vill líta þar til fordæma á Norðurlöndunum. Of snemmt sé að tala um lög á verkfall Eflingar, en ríkisstjórnin sé sammála um að staðan sé alvarleg.

Borgarstjóri segir kostnað ráða því að hann leggi til að lögbundin verkefni Borgarskjalasafns verði flutt á Þjóðskjalasafnið. Hann segir að það muni sex milljörðum króna á kostnaði næstu sjö ár.

Bréfspjald með sjaldgæfum stimpli seldist á ríflega eina og hálfa milljón á uppboði hér á landi í dag. Aldrei áður hefur svo mikið fengist fyrir neinn hlut á uppboði hér á landi.

Landssamband smábátaeigenda er afar óánægt með að strandveiðum verði skipt eftir landsvæðum eins og matvælaráðherra hefur kynnt ríkisstjórninni. Það vill dagahámark en ekkert aflahámark

Frumflutt

26. feb. 2023

Aðgengilegt til

26. feb. 2024

Útvarpsfréttir.