• 00:00:39Maria Ressa og Dimitry Muratov fá friðarverðlaunin
  • 00:03:27Hver er framtíð Julian Assange?

Hádegið

Friðarverðlaunahafar og framtíð Julian Assange

Það er ekki beint glænýtt fjölmiðlun og fjölmiðlafrelsi falli í grýttan jarðveg - svo sem hjá valdhöfum og þeim sem ráða. Þegar litið er til hlutverks fjölmiðla, sem er upplýsa, miðla, rýna og veita þeim sem valdið hafa aðhald, liggur það kannski augum uppi ekki kunni allir ráðamenn gott meta hvað þetta varðar. Það sem er sem sagt kannski nýtt í þessu er þróunin - það virðist færast í aukana vegið fjölmiðlum, fjölmiðlafrelsi og fjölmiðlamönnum. Til dæmis, samkvæmt CPJ - alþjóðlegri nefnd um verndun blaðamanna, var nýtt met slegið í þessum efnum í ár: Metfjöldi blaðamanna var handtekinn á heimsvísu á árinu eða tvö hundruð níutíu og þrír. Og þá voru minnst tuttugu og fjórir myrtir starfa sinna vegna.

Og það er kannski einmitt vegna þessarar þróunar sem Nóbelsverðlaunanefndin ákvað í ár - í fyrsta sinn síðan 1935 - tileinka blaðamönnum friðarverðlaun Nóbels. Handhafar verðlaunanna eru blaðamennirnir María Ressa frá Filippseyjum og Dmitry Muratov frá Rússlandi fyrir framlag sitt til varnar tjáningarfrelsinu, frumforsendu lýðræðis og varanlegs friðar. En það var um tíma tvísýnt hvort Ressa fengi yfirhöfuð heimild frá yfirvöldum í heimalandi sínu til fara til Noregs og taka við verðlaununum - til þess þurfti hún leyfi fjögurra filippseyskra dómstóla af þeim sjö sem reka mál gegn henni vegna starfa hennar.

Dómsmál, lagabreytingar, frelsissvipting og annað slíkt hefur oft reynst vera gott vopn í höndum þeirra sem vilja hefta tjáningar- og fjölmiðlafrelsið. Það á einnig við í tilfelli uppljóstrarans Julians Assange. - Áfrýjunardómstóll í Lundúnum komst nýverið þeirri niðurstöðu breskum stjórnvöldum heimilt framselja Assange, stofnanda WikiLeaks, til Bandaríkjanna - þar sem bandarísk stjórnvöld bíða eftir rétta yfir honum fyrir birta hundruð þúsunda leyniskjala tengd átökunum í Írak og Afganistan á árunum 2010 og 2011. Við fjöllum nánar um málið í síðari hluta þáttarins og ræðum þá við Kristin Hrafnsson, ritstjóra Wikileaks.

En við byrjum á fjölmiðlaumhverfinu og friðarverðlaunahöfunum

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur..

Birt

14. des. 2021

Aðgengilegt til

14. des. 2022
Hádegið

Hádegið

Hádegið er daglegur fréttaskýringaþáttur í umsjón Guðmundar Björns Þorbjörnssonar og Katrínar Ásmundsdóttur. Fjallað er um innlend og erlend fréttamál, menningu, íþróttir og daglegt líf. Fréttaskýringar, samtöl og umræður um það sem er efst á baugi.