Hádegið

G7-fundurinn og á að sýna mann berjast fyrir lífi sínu í beinni ?

Við byrjum í Kornbretalandi, þar sem ráðstefna G7-ríkjanna var haldin yfir helgina - en fundi þessara leiðtoga sjö stærstu iðnríkja heims: Bandaríkjanna, Bretlands, Frakklands, Ítalíu, Japans, Kanada og Þýskalands - lauk í gær með pompi og prakt. En hvað varð úr? Verður stóryrðum leiðtoganna hrint í framkvæmd? Urðu veigamiklar ákvarðanir teknar? Hver verða sum áhrif og afdrif ráðstefnunnar?

Christian Eriksen leikmaður danska karlalandsliðsins í fótbolta er á batavegi eftir hafa farið í hjartastopp í leik Danmerkur og Finnlands á Evrópumótinu í fótbolta á laugardag. Eriksen var milli heims og helju um tíma og milljónir manna út um allan heim horfðu á þennan knattspyrnusnilling berjast fyrir lífi sínu í beinni útsendingu. Guðmundur Björn ræðir í síðari hluta þáttarins við Kristjönu Arnarsdóttur, íþróttafréttamann, um hvað gerðist á laugardaginn og hvers vegna í ósköpunum þetta var allt saman sýnt í sjónvarpi.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Birt

14. júní 2021

Aðgengilegt til

14. júní 2022
Hádegið

Hádegið

Hádegið er daglegur fréttaskýringaþáttur í umsjón Guðmundar Björns Þorbjörnssonar og Katrínar Ásmundsdóttur. Fjallað er um innlend og erlend fréttamál, menningu, íþróttir og daglegt líf. Fréttaskýringar, samtöl og umræður um það sem er efst á baugi.