Samtök atvinnulífsins ætla að fresta boðuðu verkbanni um fjóra sólarhringa til mánudagsins sjötta mars. Sáttasemjari hefur boðað til fundar í kjaradeilu Eflingar og SA í kvöld.
Verðbólga mælist yfir tíu prósent á ársgrundvelli, í fyrsta sinn síðan í september 2009. Aðalhagfræðingur Íslandsbanka segir að stjórnvöld verði að íhuga aðgerðir til að styðja við þá sem minnst hafa.
Að minnsta kosti þrír hafa látist úr alvarlegum streptókokkasýkingum hér á landi frá í nóvember, að sögn fyrrverandi sóttvarnarlæknis. Streptókokkasýkingar í vetur hafa valdið mun alvarlegri veikindum en oft áður.
Skýrsla Ríkisendurskoðunar um söluna á hlut ríkisins í Íslandsbanka var afgreidd úr stjórnskipunar og eftirlitsnefnd Alþingis í morgun. Minnihluti nefndarinnar vill að málið verði rannsakað frekar.
Nýr samningur um tollafgreiðslu milli Norður-Írlands og Írlands verður líklega kynntur síðdegis. Vonast er til að loksins takist að binda um stærsta lausa endann vegna útgöngu Breta úr ESB
Fráfarandi bæjarstjóri í Fjarðabyggð, sem sagði af sér í síðustu viku, segist alltaf hafa verið tilbúinn að greiða gjöld af sumarhúsi sínu aftur í tímann, um leið og hægt yrði að ljúka skráningu þess.
Grímseyjarferjan Sæfari er á leið í slipp í sex til átta vikur í apríl og maí. Ekki liggur fyrir hvernig flytja skuli fólk og varning milli lands og eyju á meðan.
HM-draumur íslenska karlalandsliðsins í körfubolta er úti en liðið á enn möguleika á að komast á Ólympíuleikana í París á næsta ári.
