Fréttir kl.12:20

Hádegisfréttir 20. febrúar 2023

Samtök atvinnulífsins greiða atkvæði um verkbann á tuttugu þúsund Eflingarfélaga. Bannið tekur gildi 2. mars, verði það samþykkt. Formaður Eflingar segist hafa verið vongóð um að samningar næðust í gær þegar upp úr slitnaði, atkvæðagreiðslan um verkbann sé svívirðileg aðför að félagsfólki Eflingar.

Bandaríkjaforseti kom í óvænta heimsókn til Kyiv, höfuðborgar Úkraínu í morgun. Hann ræðir við Úkraínuforseta, og ætlar að bæta í stuðning vegna innrásar Rússa.

Kona fannst meðvitundarlaus í Lágafellslaug í Mosfellsbæ í morgun. Ástand hennar er alvarlegt.

Rannsókn á eldsupptökum í áfangaheimilinu Betra lífi á föstudag stendur yfir. Slökkvilið höfuðborgarsvæðisins hefur lokið úttekt á brunavörnum heimilisins. Ekkert eftirlit er með rekstri slíkra heimila.

Heilu hverfin eru á floti og á fjórða tug eru látin í flóðum og aurskriðum í Sao Paulo í Brasilíu. Tuga er saknað.

Notendum Facebook og Instagram býðst nú að kaupa áskrift að miðlunum. Í henni felst aukin vernd.

Bolludagurinn er í dag og mikið annríki í bakaríum um allt land. Við lítum inn í bakarí á Siglufirði síðar í fréttatímanum.

Frumflutt

20. feb. 2023

Aðgengilegt til

20. feb. 2024

Fréttir kl.12:20

Útvarpsfréttir.