Kjaraviðræður þokast áfram en eru á viðkvæmu stigi. Af orðum framkvæmdastjóra Samtaka atvinnulífsins má ráða að samningar náist næstu daga.
Búast má við þrengslum á Keflavíkurflugvelli á næsta ári. Farþegaspá ISAVIA gerir ráð fyrir hátt í 8 milljónum farþega um flugvöllinn á árinu.
Dvalartími leikskólabarna í Reykjavík verður styttur á næstu vikum. Oddviti Sósíalista í borgarstjórn hefur áhyggjur af foreldrum í erfiðri stöðu.
Sóttvarnayfirvöld í Kína hafa gefið sterklega í skyn að nú sé tímabært að draga úr takmörkunum. Talið er að þetta séu viðbrögð við mótmælum helgarinnar.
Þeir voru fölir og guggnir Reykvíkingarnir sem komu saman að fagna fullveldi við Stjórnarráðshúsið fyrir 104 árum. Háskólasamfélagið fagnar deginum á Bessastöðum í dag.
Óþekktur og alvarlegur sjúkdómur felldi sex hross á Suðurlandi í síðustu viku. Sérgreinadýralæknir lítur málið alvarlegum augum.
Minnst ein starfsstétt verður í verkfalli í Bretlandi á hverjum degi til jóla ef ekki semst. Nú síðast boðuðu sjúkraflutningamenn verkfall.
Brýnt er að boðið verði upp á hraðgreiningapróf fyrir HIV, segir formaður HIV-samtakanna á Íslandi. Hann furðar sig á tregðu heilbrigðisráðuneytis til að heimila notkun prófanna.
Úrslit ráðast í dag í E og F riðlum heimsmeistaramótsins í fótbolta í Katar. Stórlið eiga á hættu að falla úr leik.
