Fréttir kl.12:20

Hádegisfréttir 25. nóvember 2022

Yfirlýsingar fjármálaráðherra í fjölmiðlum í gær, þar sem hann lýsti skilningi á stýrivaxtahækkun Seðlabankans, hleyptu illu blóði í kjaraviðræður VR við Samtök atvinnulífsins. VR sleit viðræðunum seint í gærkvöldi. Formaður VR segir atvinnurekendur ekki hafa sýnt samningsvilja um launahækkanir.

Forsætisráðherra harmar VR hafi slitið kjaraviðræðum. Fjármálaráðherra telur ummæli hans um vaxtahækkun Seðlabankans hafi ekki ráðið úrslitum.

Lögreglan gefur lítið fyrir orðróm um hefndarárás yfirvofandi í miðbænum. Hún hyggst engu síður stórauka viðbúnað sinn. Skemmtistaðaeigandi býst við rólegri helgi í miðborginni.

Angela Merkel, fyrrverandi kanslari Þýskalands, segist hafa verið orðin valda- og áhrifalaus á vettvangi evrópskra stjórnmála áður en hún lét af embætti í fyrra og hefði ekki getað breytt áformum Rússa gagnvart Úkraínu. Öll fjögur kjarnorkuver Úkraínu eru háð dísilrafstöðvum sem stendur.

Þjónustusamningur um samræmda móttöku flóttafólks á tryggja sveitarfélög geti boðið betri þjónustu. Félagsmálaráðherra vonast eftir þátttöku fleiri sveitarfélaga.

Færeysk stjórnvöld funda með Rússum um framlengingu á fjörutíu og fimm ára gömlum fiskveiðisamningi. Stjórnmálamenn sem áður höfðu lýst sig andvíga framlengingu, í ljósi innrásarinnar í Úkraínu, virðast hafa skipt um skoðun.

Íran vann sinn fyrsta sigur á HM í fótbolta í dag. Liðið skoraði bæði mörk sín gegn Wales í uppbótartíma.

Frumflutt

25. nóv. 2022

Aðgengilegt til

25. nóv. 2023
Fréttir kl.12:20

Fréttir kl.12:20

Útvarpsfréttir.