Fréttir kl.12:20

Hádegisfréttir 24. nóvember 2022

Aðilar vinnumarkaðarins og stjórnvöld sjá fyrir sér skammtímasamningur geti verið besta lausnin eins og staðan er núna. Forsætisráðherra boðaði þá á sinn fund með skömmum fyrirvara í morgun.

Fimmtán ára piltur stakk jafnaldra sinn í Grafarvogi í Reykjavík í nótt. Lögregla rannsakar málið en telur það ekki tengjast gengjaátökum í borginni. Sérsveit lögreglu verður með viðbúnað í miðbænum um helgina.

Þingmenn stjórnarandstöðunnar segja lögfræðiálit lífeyrissjóða um ÍL-sjóð slátri málflutningi fjármálaráðherra. Möguleg áform um slit sjóðsins fari í bága við stjórnarskrá og mannréttindasáttmála.

Ríki heims skulda írönskum stúlkum, segir utanríkisráðherra. Ríflega þrjúhundruð mótmælendur hafa látist á tveimur mánuðum í Íran. Ísland og fleiri ríki vilja grípa til aðgerða.

Ekki tókst greiða alla reikninga Strætós á dögunum. Næsta dag barst hálfs milljarðs aukafjármagn sem tryggir reksturinn í ár. Sveitarfélögin hafa samþykkt hækka framlag sitt til Strætós á næsta ári.

Óvissustig almannavarna er í gildi á Austfjörðum vegna mikilla rigninga og hættu á aurskriðum.

Einum leik er lokið á heimsmeistaramótinu í knattspyrnu sem fer fram í Katar þar vann Sviss Kamerún í G-riðli með einu marki gegn engu.

Birt

24. nóv. 2022

Aðgengilegt til

24. nóv. 2023
Fréttir kl.12:20

Fréttir kl.12:20

Útvarpsfréttir.